Hér er mikið fjör og gaman

Ég er eiginlega orðin alger brjálæðingur á hjólinu mínu ég set lappirnar upp á slánna og renni mér á fullu farti niður brekkur og skransa svo í lokinn. Mömmu finnst þetta nú einum offfff. En ég er allavega mjög dugleg að hjóla það er eitt sem víst er. Mamma fór að kaupa takkaskó á Bergstein í gær og keypti fyrir mig líka, kannski fæ ég að æfa fótbolta í sumar nefnilega. Ég er alger rúsína í þessu og svo á ég líka legghlífar og ég er ótrúlegur trítill í þessu, ég er náttlega grallari af guðsnáð!!! Guð er líka kona ef þið vissuð  það ekki.

 Í þessari viku er búið að vera heldur mikið að gera hjá mér, það er nefnilega vorskóli í gangi fyrir okkur sem erum að fara að byrja í 1. bekk í haust. þannig að ég fer ásamt mínum tilvonandi bekkjarfélögum í skólann frá 13 til 15:30 og fer í hinar ýmsu námsgreinar og hitti kennarana mína og skoða skólann. Mjög skemmtilegt og svo þegar það er búið kemur mamma að sækja mig og ég fer heim og fæ mér smá í gogginn og hendist svo á sundnámskeið. Ég sofna mjög ljúft á kvöldin. 

Planið er að fara að grallarast með pabba og Begga bróður upp í sumarbústað hjá ömmu og afa um helgina, það verður örugglega mjög gaman. Vonandi verður líka gott veður. Kannski förum við á Ísöld 2 í bíó þar sem ég vann 2 miða hjá landsbankanum vegana þess að ég er svo dugleg að spara reglulega.

Bið að heilsa í bili. Kossar og knús

Tinna sæta 

Sumar og Sól

Ég er búin að vera úti í allan dag, kom varla inn til að borða !! Það er nefnilega svooo gaman úti þegar það er svona gott veður eins og var í dag. Á morgun ætla ég að fara aftur út og vera svona lengi lengi.

Annars er ég orðin afskaplega dugleg að hjóla, bara nokkuð örugg miðað við að dekkin voru tekin af fyrir nokkrum dögum.

Ég er farin að hlakka til í sumar þá förum við nefnilega í smá ferðalag og förum með Baldri. Mamma var búin að segja mér að við myndum fara með Baldri í sumar svo þegar sumardagurinn fyrsti kom spurði ég stax hvort við værum ekki að fara að pakka… skil ekki alveg þetta með sumardaginn fyrsta og sumarið  

Hjálpardekkin farin

Í gær tók mamma hjálpardekkin af og ég gat hjólað pínku pons. En í morgun hjólaði ég alla leið út í íþróttahús með mömmu . Mamma ýtti mér bara af stað, ég datt nokkrum sinnum en byrjaði bara aftur, er ég ekki dugleg!!!

Ég ætla að vera dugleg að æfa mig í góða veðrinu í dag. 

Hér Bloggar Tinna Guðrún

Mamma ætlar að hjálpa mér að blogga hérna